भारत की संस्कृति के लिए... भाषा की उन्नति के लिए... साहित्य के प्रसार के लिए
देख लऽ! / सतीश मिश्रा
Kavita Kosh से
Sharda suman (चर्चा | योगदान) द्वारा परिवर्तित 11:52, 7 मार्च 2019 का अवतरण ('{{KKGlobal}} {{KKRachna |रचनाकार=सतीश मिश्रा |अनुवादक= |संग्रह=दुभ...' के साथ नया पृष्ठ बनाया)
डोलिया सजना के नगरी चलल, देख लऽ!
अँखिया में कजरा लगौलक जे अँगना
ओही अँगना
अँखिए के जल से दहल, देख लऽ!
पल भर दुअरिया पर ठहरल जे कहरा
ओही कहरा
बन के बहेलिया तनल, देख लऽ!
जोतिया पिरितिया के बारलक जे जिनगी
ओही जिनगी
बन के संझउतिया बरल, देख लऽ!
कभी न गदानली जे निसबद रतिया
ओही रतिया
सैंया आगू संग में रहल, देख लऽ!
डोलया सजना के नगरी चलल, देख लऽ!
