भारत की संस्कृति के लिए... भाषा की उन्नति के लिए... साहित्य के प्रसार के लिए
नामविश्वास / तुलसीदास/ पृष्ठ 9
Kavita Kosh से
Dr. ashok shukla (चर्चा | योगदान) द्वारा परिवर्तित 16:03, 8 मई 2011 का अवतरण
नामविश्वास-9
(81)
दिन -दिन दूनो देखि दारिदु , दुकालु ,
दुखु दुरितु दुराजु सुख-सुकृत सकोच है।
मागें पैंत पावत पचारि पातकी प्रचंड,
कालकी करालता, भलेको होत पोच है।
आपने ं तौ एकु अवलंबु अंब डिंभ ज्यों,
समर्थ सीतानाथ सब संकट बिमोच है।
तुलसी की साहसी सराहिए कृपाल राम!
नामकें भरोसें परिनामको निसोच है।।
(82)
मोह -मद मात्यो, रात्यो कुमति-कुनारिसों,
बिसारि बेद-लोक -लाज ,आँकरो अचेतु है।
भावे सो करत, मुँह आवै सो कहत ,कछु,
काहूकी सहत नाहिं , सरकस हेतु है।
तुलसी अधिक अधमाई हू अजामिलतें,
ताहूमें सहाय कलि कपटनिकेतु है।
जैबेको अनेक टेक , एक टेक ह्वौबेकी,
जो, पेट-प्रियपूत हित रामनामु लेतु है।।
