गीतावली अयोध्याकाण्ड पद 61 से 70/पृष्ठ 8

पृष्ठ सारणी

(68)

ता दिन सृङ्गबेरपुर आए |
राम-सखा ते समाचार सुनि बारि बिलोचन छाए ||

कुस-साथरी देखि रघुपतिकी हेतु अपनपौ जानी |
कहत कथा सिय-राम-लषनकी बैठेहि रैनि बिहानी ||

भोरहिं भरद्वाज आश्रम ह्वै, करि निषादपति आगे |
चले जनु तक्यो तड़ाग तृषित गज घोर घामके लागे ||

बूझत चित्रकूट कहँ जेहि तेहि, मुनि बालकनि बतायो |
तुलसी मनहु फनिक मनि ढूँढ़त, निरखि हरषि हिय धायो ||