भारत की संस्कृति के लिए... भाषा की उन्नति के लिए... साहित्य के प्रसार के लिए
हम प्रेम का हाथे पकड़ाई / रवीन्द्रनाथ ठाकुर / सिपाही सिंह ‘श्रीमंत’
Kavita Kosh से
Sharda suman (चर्चा | योगदान) द्वारा परिवर्तित 13:24, 10 अगस्त 2013 का अवतरण ('{{KKGlobal}} {{KKRachna |रचनाकार=रवीन्द्रनाथ ठाकुर |अनुवादक=सिपा...' के साथ नया पन्ना बनाया)
हम प्रेम का हाथे पकड़ाई
ई आस लगा बइठल बानीं।
बा देर भइल, अपराध बहुत-
कइला के हम दोसी बानीं।
जब विधि विधान का बंधन में
बान्हे खातिर ऊ आवेले।
हम भाग पराइले हरदम
हमरा के पकड़ ना पावेले।
एकरा खातिर जे दंड मिली
झेले खातिर तत्पर बानीं।
हम प्रेम का हाथे पकड़ाईं
ई आस लगा बइठल बानीं।
सब लोग करे निंदा हमार
ऊ निंदा तनिको झूठ ना बा।
हम सबसे नीचे रहब सदा
निंदा सब सिर माथे पर बा।
अब बेरा बीत गइल, मेला-
बेंचा-कीनी के उसर गइल।
जे आइल रहे बोलावे ऊ
खिंसिया के हमसे, लौट गइल।
हम प्रेम का हाथे बिक जाईं
हम प्रेम का हाथे पकड़ाईं।
ई आस लगा बइठल बानीं
ना पता कि कब ऊ छन आई।
