भारत की संस्कृति के लिए... भाषा की उन्नति के लिए... साहित्य के प्रसार के लिए
लुकमींचणी - एक / मदन गोपाल लढ़ा
Kavita Kosh से
Sharda suman (चर्चा | योगदान) द्वारा परिवर्तित 23:01, 16 अक्टूबर 2013 का अवतरण
अबै कोनी रमां
थारै भेळै
लुकमींचणी
खेल नै खेल कठै समझै थूं।
बता तो सरी
हरेक बारर
पैलपोत कींकर हुवै
म्हारी डांई ?
पूज‘र देखां तो
हुय सकै
हथेळी रो ऊंधो पासो आयां
म्हैं भिड़ता ई टळ जावूं
अर थारै पांती आवै
पैलड़ी डांई।
लुकणै खातर
बास री मरजाद ई
कठै मानै थूं
म्हैं सोधतो रैवूं
बास रै खुणां-खचूणां
थूं बजारिया करतो फिरै
गांव-गुवाड़।
होळै-सुस्ते
अचाणचकै
म्हारै मगरां
थप्पी मार परो
थूं एकर भळै लिख देवै
म्हारै नांव
एक बीजी डांई।
