बरसगाँठि बृषभानु-कुँवरि की / हनुमानप्रसाद पोद्दार

बरसगाँठि बृषभानु-कुँवारि की कीरति गीत गवा‌ए जू।
चंदन-‌अगर लिपा‌इ अरगजा, मोतिन चौक पुरा‌ए जू॥

नंदीसुर ते नंद जसोदा सहसुत न्यौति बुला‌ए जू।
गोपी-गोप, गाय-गोसुत लै चलि बरसाने आ‌ए जू॥

तब वृषभान बड़े आदर सौं निज मंदिर पधरा‌ए जू।
भीतर भवन जसोदा-कीरति मिलत परम सुख पा‌ए जू॥

जसुमति-कनिया तैं लालन लै कीरति गोद खिला‌ए जू।
ब्रजरानी ल‌इ कुँवारि गोद ब्रजनारिन मंगल गा‌ए जू॥