पांच मोहर का साहबा! पीला मंगाद्यो जी / हरियाणवी

हरियाणवी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

पांच मोहर का साहबा! पीला मंगाद्यो जी।
कोई पांच पचीसी गढ़ बी सी गाढा मारू जी।
गाढा मारू जी पीला रं गद्यो जी।
किन म्हारी भोली साधण ल्याय दिखाया जी।
किन थारे आल लगाई जी।
गाढा मारू जी पीला रं गाद्यो जी।
छोटी सी नणदल, साहबा! आल लगाई जी।
अल्ले तै पल्ले साहबा! मोर पपेया जी।
बीच बीच लाल हजारी जी।
गाढा मारू जी पीला रं गाद्यो जी।
कोए सास नणद मुख जोड्या जी।
गाढा मारू जी पीला रं गाद्यो जी।
आंख ना खोले जच्चा मुख तै ना बोले जी।
कोए जच का राजन कुम्हला डोले जी।
गाढा मारू जी पीला रं गाद्यो जी।
दिल्ली सहर तै साहबा! बैद बुलाद्यो जी।
कोए जच की नाड़ी दिखाद्यो जी।
गाढा मारू जी पीला रं गाद्यो जी।
झाडै तो झाडै रे बैदा रोक रुपैया जी।
कोए जच्चा के जीव की बधाई जी।
गाढा मारू जी पीला रं गाद्यो जी।
आंख्यां भी खोले जच्चा मुख से भी बोले जी।
कोई जच्चा का राजन हंसता डोले जी
मैं मन ल्यूं थी म्हारा सुघड़ साहबे का जी।
कोए प्यारी सू के दुप्यारी जी।
गाढा मारू जी पीला रं गाद्यो जी।