मोरे मन हरि-दरसन को चाव / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मोरे मन हरि दरसन को चाव।
जब सों सुनी स्याम की सुखमा पुनि-पुनि होत उम्हाव॥
कहा करांे कैसे मिलि हैं हरि, कीजै कहा उपाव।
लागी ललक न पलक लगत सखि! लखूँ दरस को दाँव॥1॥
हरि के हाथ हियो यह हार्यौ, बनै न बनै बनाव।
तकूँ न दूजी ओर भले ही प्रान रहें वा जाय॥2॥
और रूप न सुहात सखी री! नयनन पर्यौ सुभाव।
इनकी निज निधि हैं नँदनन्दन, भूले भाव-कुभाव॥3॥
जैसे हैं, हैं तो अपने ही, उनसों कहा दुराव।
जानत हैं जिय की वे सब कछु, कबहुँ देहिंगे दाँव॥4॥
दरस-दान दैहैं मनमोहन, हुइ है अधिक उम्हाव।
पुनि-पुनि दरस-परस करि-करि हिय बढ़िहै प्रीति प्रभाव॥5॥