यह मन मानत कह्यौ न मेरो / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राग मारवा, तीन ताल 18.9.1974

यह मन मानत कह्यौ न मेरो
अपनी ही तानत मनमोहन! करत बहुत उरझेरी॥
पुनि-पुनि दौरि जात विषयन में, फिरत न मेरो फेरो।
स्वारथ ही की बात विचारत, दिन-दिन करत बखेरो॥1॥
मैं तो हारि गयो अब माधव! तकूँ तिहारो खेरो।
तुम बिनु और न कोउ आसरो, स्याम कृपा करि हेरो॥2॥
सदा-सदासों रह्यौ तिहारो, हौं घर जायो चेरो।
तुम बिनु त्रिभुवन में मनमोहन! और भला को मेरो॥3॥
अपनो करि अपनावहु प्यारे! देहु चरन में डेरो।
सदा तिहारे पद-पंकज को भ्रमर रहे मन मेरो॥4॥
गुनि-गुनि गुनगन रसहि निरन्तर रुचिसों रति रस तेरो।
यहीं यहीं बस, रहे रैन-दिन याको स्याम बसेरो॥5॥