भारत की संस्कृति के लिए... भाषा की उन्नति के लिए... साहित्य के प्रसार के लिए
बांधि के कफनिया / विनय राय ‘बबुरंग’
Kavita Kosh से
Sharda suman (चर्चा | योगदान) द्वारा परिवर्तित 09:16, 2 फ़रवरी 2015 का अवतरण ('{{KKGlobal}} {{KKRachna |रचनाकार=विनय राय ‘बबुरंग’ |अनुवादक= |संग्...' के साथ नया पृष्ठ बनाया)
पतिया न आइल अबहीं बचवा क सीमवां से
लड़त होइहें सरहद पर बांधि के कफनियां।।
बहुते पियवले बानीं छतिया क दूध आपन
कामे अइहें कहिया रे पूत क जवनियां।।
माई क रक्षा करिहऽ दुसमन के दरी दीहऽ
करिहऽ न चिन्ता कइसे होइहें परनियां।।
पीठिया देखइहऽ जनि भले जाई जनवा हो
झुके मति आपन तिरंगा निसनियां।।
गइल बालऽ सेवा करे देसवा क लाल बनि
सेवा क मेवा मिली देस के रोसनियां।।
छूटी लेके अइहऽ बचवा रखिया बधाई लीहऽ
बहिनी निहारत बाली रहि-रहि दलनियां।।
रहिया निहारे अउरी घर-टोल-महलवा हो
दिनवां गिनत केतने डूबली किरीनिया।।
केतने सुहागिन क सुहाग त उजड़ि जाला
ओ बहिनिन क कोटि-कोटि बाटे सलमियां।।
धन्य माई-बाबू जेकर बेटवा शहीद होला
करेले सलाम झुकि विनय क कलमियां।।
