भारत की संस्कृति के लिए... भाषा की उन्नति के लिए... साहित्य के प्रसार के लिए
कारोॅ बादल ढलमल छै / नन्दलाल यादव 'सारस्वत'
Kavita Kosh से
Lalit Kumar (चर्चा | योगदान) द्वारा परिवर्तित 16:17, 24 फ़रवरी 2016 का अवतरण ('{{KKGlobal}} {{KKRachna |रचनाकार=नन्दलाल यादव 'सारस्वत' |अनुवादक= |स...' के साथ नया पृष्ठ बनाया)
कारोॅ बादल ढलमल छै
वै पर नदियोॅ खलखल छै।
पर्वत सबटा चूर लगै
बंजर नाँखि जंगल छै।
खनकै छै खाली तलवारे
डरलोॅ-डरलोॅ पायल छै।
केकरा कौनें देतै ढाढ़स
सबके आँख तेॅ छलछल छै।
ई युग मेॅ आबी केॅ आबेॅ
फूल लगै कि पत्थल छै।
दुख केकरोॅ लेॅ काँटोॅ नाँखि
सारस्वत लेॅ मलमल छै।
