भारत की संस्कृति के लिए... भाषा की उन्नति के लिए... साहित्य के प्रसार के लिए
भूत-प्रेत के घोॅर लगै / नन्दलाल यादव 'सारस्वत'
Kavita Kosh से
Lalit Kumar (चर्चा | योगदान) द्वारा परिवर्तित 16:17, 24 फ़रवरी 2016 का अवतरण ('{{KKGlobal}} {{KKRachna |रचनाकार=नन्दलाल यादव 'सारस्वत' |अनुवादक= |स...' के साथ नया पृष्ठ बनाया)
भूत-प्रेत के घोॅर लगै
देव-पितर केॅ डोॅर लगै।
दलदल-खाई पर्वत पर
गाछ-बिरीछे तोॅर लगै।
जाड़ा केॅ जेठोॅ रं देखी
सब लोगोॅ केॅ जोॅर लगै।
की बसन्त जों मंजर ही नै
काँटे मेॅ ही फोॅर लगै।
सच्चाई केॅ के पूछै छै
बेमानी के दोॅर लगै।
सारस्वतोॅ के कविता बाँची
दुबड़ी तक भी बोॅर लगै।
