Last modified on 29 फ़रवरी 2016, at 14:07

महँगाई के मार / कस्तूरी झा ‘कोकिल’

Lalit Kumar (चर्चा | योगदान) द्वारा परिवर्तित 14:07, 29 फ़रवरी 2016 का अवतरण ('{{KKGlobal}} {{KKRachna |रचनाकार=कस्तूरी झा 'कोकिल' |अनुवादक= |संग्र...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

महँगाई के मार भयंकर कोय नैं छै रोकबैइया
सुरसा नाँकी रोज बढ़ै छै नै हनुमान छोटबैइया।

करूवा तेल सूँघना दुर्लभ
कहाँ से पड़तै लोहिया?
चावल दाल अजनाश लगै छै
गुमसुम चुल्हा कोहिया।

सब्जी आसमान में लटकै कचुओ बीस रूपैइया।
महँगाई के मार भयंकर कोय नैं छै रोकबैइया
सुरसा नाँकी रोज बढ़ै छै नै हनुमान छोटबैइया।

मिर्च मसाला नाँव नैं बोलऽ
सीधे दू सौ टकिया।
तेल फुलेल सपना में आबै
बुझलऽ गरीबकेऽ डिबिया।

मनमोहन सरकार निकम्मी ‘बुश’ के झाल बजबैइया।
महँगाई के मार भयंकर कोय नैं छै रोकबैइया
सुरसा नाँकी रोज बढ़ै छै नै हनुमान छोटबैइया।

अजी सेठ केऽ पौ बारह छै
मालामाल व्यापारी।
नेता बैठलऽ पंच महल में।
दोनो पाँव पसारी।

ठहरऽ सबक सिखैबै अबरी, कोय नै छै बचबैइया।
महँगाई के मार भयंकर कोय नैं छै रोकबैइया
सुरसा नाँकी रोज बढ़ै छै नै हनुमान छोटबैइया।

-अंगिक लोक/ अक्तूबर-दिसम्बर, 2012