है मरूभूमि छेकै केकरो की पता ऐतै / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » रेत रोॅ राग »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

है मरूभूमि छेकै केकरो की पता ऐतै
कुछ जों ऐतै तेॅ उमसलोॅ होलोॅ हवा ऐतै
है के कहतै कि जानो जिस्म में ऐतै चल्लोॅ
जान गेल्है केरोॅ बादोॅ में जों दुआ ऐतै
आँख मुनलोॅ रहोॅ तोरा तेॅ पता नै चलतौं
जाबेॅ दौ केकरौ लेॅ आबै छै सौ बला, ऐतै
ई सुनी कतना खुश दिखै छै जमानावाला
फैसला होलोॅ छै ई हमरा लेॅ सजा ऐतै
एक खरगोश के चक्कर में सिंह पड़लोॅ छै
कैन्हें ओकताबै छोॅ आब्हैं तेॅ ऊ मजा ऐतै
आय तलक आँख रोॅ खुशिये ही गजल में ऐलै
कहिया गजलोॅ में दरद दिल के ई जमा ऐतै
की छै अमरेन के पासोॅ में गजल गीतोॅ के
ओकरो लुग कोय्यो कथी लेॅ कहोॅ भला ऐतै

-8.6.92