भारत की संस्कृति के लिए... भाषा की उन्नति के लिए... साहित्य के प्रसार के लिए
फूल हमरोॅ छै चमन हमरोॅ छै / सियाराम प्रहरी
Kavita Kosh से
Lalit Kumar (चर्चा | योगदान) द्वारा परिवर्तित 15:11, 9 मई 2016 का अवतरण ('{{KKGlobal}} {{KKRachna |रचनाकार=सियाराम प्रहरी |अनुवादक= |संग्रह=...' के साथ नया पृष्ठ बनाया)
फूल हमरोॅ छै चमन हमरोॅ छै
चाँद तारोॅ है गगन हमरोॅ छै
हेकरोॅ कन कन से प्यार छै हमरा
देश हमरोॅ छै वतन हमरोॅ छै
हमरोॅ गुलशन नै कहियो मुरझैतै
खार हमरोॅ छै सुमन हमरोॅ छै
हमरोॅ धरती पर फिर बहार ऐतै
प्यार अनमोल रतन हमरोॅ छै
चलोॅ त सिर तनी झुकाय चलोॅ
है शहीदोॅ के वतन हमरोॅ छै।
