शिशिर है की करै? / ऋतुरंग / अमरेन्द्र

शिशिर है की करै?
चाँदै नै, दीये रङ सुरजो बरै
शिशिर है की करै?

पानीं ठहारोॅ के पारो नै पाबै
कन्नें नुकैलै? नै मछली दिखाबै
रेहू नै, मिरका नै, गैंची-गरै
शिशिर है की करै?

मुड़लोॅ धनखेती में पाला के रूई
देहोॅ में गत्थी जाय शितलहरो सूई
खोरनी नै, बोरसी केॅ हात्हैं हुरै
शिशिर है की करै?

केसर-कस्तूरी नै, रूई नै पिया
ई ऋतु ओकरा लेॅ बेरथ, धुर-छिया
आरो यें जम्मे रङ ओकरा धरै
शिशिर है की करै?

गौन्हैं के कम्बल में हम्में असकल्ली
कैहिनें नी जैवोॅ ठहारी सें गलली
सब तेॅ दुसल्हौ में थरथर मरै
शिशिर है की करै?

-7.1.97

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

शिशिर है की करै? / ऋतुरंग / अमरेन्द्र

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग