भारत की संस्कृति के लिए... भाषा की उन्नति के लिए... साहित्य के प्रसार के लिए
ई के छेकै / ऋतु रूप / चन्द्रप्रकाश जगप्रिय
Kavita Kosh से
Lalit Kumar (चर्चा | योगदान) द्वारा परिवर्तित 22:21, 30 मई 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
ई के छेकै
कमलोॅ के डण्ठल मेॅ मोती गूँथी केॅ
गल्ला आरो बाँही सेॅ बांधलेॅ छै
रेशनी दुपट्टा छै देहोॅ पर
चन्दन के लेप दीखै
माथोॅ सेॅ गोड़ तांय।
मुँहॉे में पान केॅ दबैनेॅ
जेठोॅ के दुपहरिया मॅे
अटारी सेॅ उतरी केॅ
फूस के मड़ैया मेॅ बैठलोॅ
आकाश दिस देखै छै
मेघोॅ के ऊ टुकड़ा केॅ
जे अभी-अभी कन्नेॅ सेॅ आवी गेलोॅ छै।
सौंसे ठो मड़ैया
आरो साँसो इलाका पर
छाँव कॅे बरसैतेॅ।
मड़ैया मेॅ बैठलोॅ
देहोॅ सेॅ एकदम कृषकाय
ई के छैकै?
