भारत की संस्कृति के लिए... भाषा की उन्नति के लिए... साहित्य के प्रसार के लिए
बड़ोॅ-बड़ोक्का लोग जहाँ पर नंगा नाचै / अमरेन्द्र
Kavita Kosh से
Lalit Kumar (चर्चा | योगदान) द्वारा परिवर्तित 03:19, 8 जून 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=कुइया...' के साथ नया पृष्ठ बनाया)
बड़ोॅ-बड़ोक्का लोग जहाँ पर नंगा नाचै
जे मन मेँ आवै छै ऊ सब काम करै छै
आपनोॅ गलती पर ढाकर रँ ही ढकरै छै
कुइयाँ मेँ ढूकी केॅ आपनोॅ कपड़ा खींचै
जाति केॅ कुत्ता रँ साथेँ पोसलै राखै
जेकरा चाहै समय-समय पर कटवावै छै
जेकरोॅ जे चाहै छै मूड़ी छटवावै छै
माय-बहू बेटी इज्जत रोॅ शोरबा चाखै
गुल्ली-डंडा बदला मेँ गोली-भरनांटी
सुखरतिया रोॅ जूआ सालो भर के खेला
चोर-चिबल्ला-हत्यारा रोॅ लागै मेला
छपरी पर छै हुक्का-पाती-सनसनाठी
दलदल में फंसलोॅ सब्भे रोॅ गोड़-पाँव छै
आबेॅ ऊ की पैहिले नाँखी हमरोॅ गाँव छै।
