भारत की संस्कृति के लिए... भाषा की उन्नति के लिए... साहित्य के प्रसार के लिए
गीत 9 / बारहवां अध्याय / अंगिका गीत गीता / विजेता मुद्गलपुरी
Kavita Kosh से
Lalit Kumar (चर्चा | योगदान) द्वारा परिवर्तित 01:25, 18 जून 2016 का अवतरण ('{{KKGlobal}} {{KKRachna |रचनाकार=विजेता मुद्गलपुरी |अनुवादक= |संग...' के साथ नया पृष्ठ बनाया)
वहेॅ भगत हमरा प्रिय लागै
जौने सब शुभ-अशुभ काज के सहज भाव से त्यागै।
जे नै हरखित हुऐ कखनियो, जे नै द्वेष विचारै
शोकाकुल नै हुऐ कखनियो, जे न कामना धारै
झूठ-कपट-चोरी-हिन्सा से जे न कभी अनुरागै
वहेॅ भगत हमरा प्रिय लागै।
जे शत्रु अरु मित्र, मान-अपमान एक रंग जानै
सरदी-गरमी अरु दुख-सुख के जे प्राणी सम मानै
जे आसक्ति रहित प्राणी जग से सम्पूर्ण विरागै
वहेॅ भगत हमरा प्रिय लागै।
जैसे पेड़ लकड़हारा से, कभी न बैर विचारै
आरो सींचनहार पुरुष के प्रति अनुराग न धारै
दोनों के फल एक रंग दै, अपनावै नै त्यागै
वहेॅ भगत हमरा प्रिय लागै।
