भारत की संस्कृति के लिए... भाषा की उन्नति के लिए... साहित्य के प्रसार के लिए
ગામ આખાનો તું કાજી થાય છે / રાકેશ હાંસલિયા
Kavita Kosh से
Lalit Kumar (चर्चा | योगदान) द्वारा परिवर्तित 20:34, 5 जुलाई 2016 का अवतरण ('{{KKGlobal}} {{KKRachna |रचनाकार=રાકેશ હાંસલિયા |अनुवादक= |संग्रह= }...' के साथ नया पृष्ठ बनाया)
ગામ આખાનો તું કાજી થાય છે,
બોલ, તુજથી કોઈ રાજી થાય છે ?
આંગણે આવીને ચકલી ગાય છે,
દીકરીની યાદ તાજી થાય છે !
એમ તારી પણ નીલામી સંભવે,
જેમ ફૂલોની હરાજી થાય છે.
થાય છે હારી જવાનું મન ફરી,
એના હાથે આજ બાજી થાય છે.
સાદ સહુ સૂણે છતાં દોડે નહીં,
આમ અહિયા ભીડ ઝાઝી થાય છે.
આજ ચૂલાને સળગતો જોઈને,
તાવડી પણ કેવી રાજી થાય છે !
શું કરું ‘રાકેશ’ હું રોકાઈને ?
આ સભામાં ‘હા-જી, હા-જી’ થાય છે.
