भारत की संस्कृति के लिए... भाषा की उन्नति के लिए... साहित्य के प्रसार के लिए
तोसां गॾिजी हलणु किथे ईंदो! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:24, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
तोसां गॾिजी हलणु किथे ईंदो!
तुंहिंजो साथी बणणु किथे ईंदो!
तुंहिंजी नामूस हरको ॼाणे थो,
तुंहिंजे साम्हूं पवणु किथे ईंदो!
तुंहिंजी ख़शबू खां हटकां-हॿकां थो,
तुंहिंजी भरि में विहणु किथे ईंदो!
तूं हिते या हुते, किथे हूंदें,
तोखे ॻोल्हे लहणु किथे ईंदो!
पंहिंजे पुछ जो लुॾणु ॾिठो आ मूं,
हाणि कंहिं ते खिलणु किथे ईंदो!
ज़िक्र पंहिंजे खे, ॻाल्हि तुंहिंजीअ खे,
शांत मन सां ॿुधणु किथे ईंदो!
ज़ेहन जे हेॾे शोर में हासिद,
तोखे वाको करणु किथे ईंदो!
