अंछरयों की राणी / केशव ध्यानी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

केशव ध्यानी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

झूम-झमा झम, खुटों का झाँवर रे,
अंछर्यो<ref>परी</ref> की राँणी आई, गीत गान्दरे।
नौ सोर मुरली बाजी, मोछंग<ref>एक गढ़वाली वाद्य यन्त्र</ref> की धुन म
फूलू की पंखुड़ी, भौंर का गीतू म।
.......ओजी हो
धम-धमा-धम,
भौंरों की बरात रे
अंछर्यों की राँणी आई, फूल फुलान्दी रे।
बाँज की डाल्यों म आई, बुराँस का फूलू म,
फ्योंलि का फूलू म आई, झमकदा गीतू म।
....ओजी हो

छम-छमा-छम,
खुट्यों का झाँवर ये
अंछर्यों की राँणी आई, गीत गान्द रे।
लंग-लंगी डाल्यों म आई, रुम-झुम पातु म,
छुणक्यलि<ref>बजती हुई</ref> दाथी म आई, घुगति<ref>एक पक्षी</ref> की घू घू म।
....ओजी हो

सर-सरा-सर, सर,
बथौं का दगड़ रे
अंछर्यों की राणी आई, मुल-मुल हैंसदी रे।
हो....हो.....हो!

शब्दार्थ

<references/>