भारत की संस्कृति के लिए... भाषा की उन्नति के लिए... साहित्य के प्रसार के लिए
गंजो / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 02:06, 24 सितम्बर 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह= }} {{KK...' के साथ नया पृष्ठ बनाया)
हरकंहिं मुंहिंजा वार पटिया हुआ
कंहिं मज़बूत आकार
ॿिन्हीं हथनि सां छिके
वारनि जा गुछा पंहिंजनि हथनि में कया हुआ
अखियूं खोपनि मां ॿाहिर निकिरी आयूं हुयूं
कढ़ी रहियो होसि
नस नस पीड़ा खां जली रही हुई।
किनि कमज़ोर हथनि बि
हिकु हिकु करे
मुंहिंजो हिकु हिकु वारु छिॻो हो
ॿांहूं भॻल हुयूं
आङुरियूं मरोड़ियल
गोॾनि वटां टंगूं अलॻ थियल हुयूं
देह ते हिकु बि वारु न रहियो हुओ
अखियुनि मथां छपरनि जा वार बि गुम हुआ
अखियुनि में मणिकियूं ॾिसी रहियूं हुयूं
सॼी रुइदाद
दुकानु ख़ाली हो
कांच जा टुकरा
ऐं टीन जा दॿा
पखिड़ियल हुआ।
(पथर पथर- कंडा कंडा, 1978)
