भारत की संस्कृति के लिए... भाषा की उन्नति के लिए... साहित्य के प्रसार के लिए
चंड ते काई बाहि दुखी ही / एम. कमल
Kavita Kosh से
Lalit Kumar (चर्चा | योगदान) द्वारा परिवर्तित 00:35, 6 अक्टूबर 2016 का अवतरण ('{{KKGlobal}} {{KKRachna |रचनाकार=एम. कमल |अनुवादक= |संग्रह=बाहि जा व...' के साथ नया पृष्ठ बनाया)
चंड ते काई बाहि दुखी ही।
ॾींहं थघे जी राति तपी ही॥
सोच जा पाछा घेरे विया हा-
भव जे घुघ ॾे राह मुड़ी ही॥
शहर जो हर रस्तो रोशन हो।
ऊंदाहीं पर घिटी घिटी ही॥
रोशन हा सभिनी जा चेहरा।
ऊंदहि माण्हुनि मन में रखी ही॥
घोर ऊंदहि जे हाइ तए ते।
नूर जी हॾी-हॾी सड़ी ही॥
ऊंदहि जा हामी हा सभई।
मूं जिते पंहिंजी कुटिया अॾी ही॥
ऊंदहि में ई जिअणु-मरणु हो।
ऊंदहि रेखा टपणु ॾुखी ही॥
सुबह जो ई दिल जी तुलसीअ ते।
यादुनि ॿारी अगरबत्ती ही॥
आस जो सांझीअ ॾियो ॿरियो हो।
राति जो हल्की महक उथी ही॥
साभ्या जे आस-पास, ॾाढी
ख़्वाबनि जी ख़ुशबूइ उॾी हुई॥
अण-ॾिठे भव जे आतिशदाँ में।
तुंहिंजी मुंहिंजी आस जली ही॥
बुतु थी बीठा हुआसीं, विच में।
शीशे जी दीवार खड़ी ही॥
ॾोहु न ॾे लापरवाहीअ जो।
दूरीअ जी मूं दवा कई ही॥
