भारत की संस्कृति के लिए... भाषा की उन्नति के लिए... साहित्य के प्रसार के लिए
मां कुझु गीत रचींदो आहियां / हरि दिलगीर
Kavita Kosh से
Lalit Kumar (चर्चा | योगदान) द्वारा परिवर्तित 02:11, 8 अक्टूबर 2016 का अवतरण ('{{KKGlobal}} {{KKRachna |रचनाकार=हरि दिलगीर |अनुवादक= |संग्रह=पल पल...' के साथ नया पृष्ठ बनाया)
मां कुझु गीत रचींदो आहियां,
दुख गाॾडु़ भी, सुख गाॾडु़ भी,
किअं से गीत रचींदो आहिां,
किअं? कंहिंजे लइ? ऐं छा लइ?
मूं वटि कोई नाहे जवाब।
जेकी कुझु मां ॾिसन्दो आहियां,
सो ई मां ॻाईंदो आहियां।
दिल में जा धड़कणि पैदा थिए,
तंहिं खे गीत बणायां थो मां।
पर दिल जी हर हिक धड़कणि खे,
कोन सघां थो गीत बणाए।
पंहिंजनि पूरनि जा पोपटिड़ा,
लफ़्ज़नि जी ॼारीअ जे अंदर,
फासाइणु चाहींदो आहियां,
पर के पोपटिड़ा फासनि था,
ऐं ॿिया फासी कोन सघनि था।
हीउ जॻु जी हिकु गीत मधुर आ,
कविता आ कंहिं महा कबीअ जी,
हीउ जॻु आ हिक लइ जो सागर,
जंहिं जे जोतीमय तहरुनि मां,
जारी आहे संगीतु निरन्तर।
काश! इन्हनि लहरुनि जी लइ ते,
पंहिंजो जीवनु साजु वॼाए,
नितु मां पंहिंजा गीत बणायां॥
