भारत की संस्कृति के लिए... भाषा की उन्नति के लिए... साहित्य के प्रसार के लिए
पखीअड़ो / हरि दिलगीर
Kavita Kosh से
Lalit Kumar (चर्चा | योगदान) द्वारा परिवर्तित 02:21, 8 अक्टूबर 2016 का अवतरण ('{{KKGlobal}} {{KKRachna |रचनाकार=हरि दिलगीर |अनुवादक= |संग्रह=पल पल...' के साथ नया पृष्ठ बनाया)
1.
पखीअड़ो पिञिरे में काबू,
हलाए त बि कोई जादू,
वञी हू बाहिर उडंदो आहि,
वञी लामनि ते लडंदो आहि,
गगन-मंडल में घुमंदो आहि,
कतियुनि तारनि खे चमुंदो आहि,
उन्हनि खे सीने सां लाए,
घड़ियूं के दिल खे बहलाए,
पखी धरितीअ ॾे लहंदो आहि,
वञी पिञिरे में रहंदो आहि।
2.
छॾे पिञिरे में मढु़ ऐं मासु,
उॾाए ऊचाईअ में सासु,
करे थो उति पंहिंजो परवाज़,
जिते को राॼु न आहे राज,
जिते नितु अनहद जो आवाॼु,
तॾहिं भी आहि नको आवाॼु,
जिते को रंगु न आहे रूपु,
घुमी सा नगिरी अगम अनूप,
पखी धरितीअ ॾे लहंदो आहि,
वञी पिञिरे में रहंदो आहि।
