भारत की संस्कृति के लिए... भाषा की उन्नति के लिए... साहित्य के प्रसार के लिए
मौत / हरि दिलगीर
Kavita Kosh से
Lalit Kumar (चर्चा | योगदान) द्वारा परिवर्तित 02:24, 8 अक्टूबर 2016 का अवतरण ('{{KKGlobal}} {{KKRachna |रचनाकार=हरि दिलगीर |अनुवादक= |संग्रह=पल पल...' के साथ नया पृष्ठ बनाया)
रात ईंदी, ज़रूर अचिणी आ,
कंहिंजे रोकण सा भी न रुकिणी आ,
वक्त ते रात खे अचणु बि खपे।
रात जी गोदि में सुम्ही पवंदुसि,
दूर थींदियूं थकावटूं सारियूं,
रात खां पोइ सुबह ईंदो आहि,
अध छॾियल कम उथी कंदुसि पूरा,
रात ईंदी त का बि कसु नाहे।
मौतु ईंदो, ज़रूर अचिणो आ,
कंहिंजे रूकण सां भी न रुकिणो आ,
वक्त ते मौत खे अचणु बि खपे।
मौत जी गोदि में सुम्ही पवंदुसि,
दूर थींदियूं थकावटूं सारियूं,
धुन्धु नेणनि मां दूर थी वेंदो,
ऐं नईं रोशनी मिली वेंदी।
मौतु जीवन जी हिक ॻुझारत आ,
वक्त ते जा असीं सलींदासीं।
मौत खां पोइ ज़िन्दगी आहे,
जिस्म झूनो छॾे, नओं वठिबो,
मौतु ईंदो, त का बि कसु नाहे।
