भारत की संस्कृति के लिए... भाषा की उन्नति के लिए... साहित्य के प्रसार के लिए
ॻाईंदो रहु भाउ / हरि दिलगीर
Kavita Kosh से
Lalit Kumar (चर्चा | योगदान) द्वारा परिवर्तित 02:31, 8 अक्टूबर 2016 का अवतरण ('{{KKGlobal}} {{KKRachna |रचनाकार=हरि दिलगीर |अनुवादक= |संग्रह=पल पल...' के साथ नया पृष्ठ बनाया)
अञा त रात घणी पेई आ, सुनि जो आहि सिटाउ,
ॻाईंदो रहु भाउ।
तुंहिंजे पद पद मंझि ॿुधां थो, पल पल जो परलाउ,
बंद बंद में आहि समायलु, सदियुनि जो सौदाउ।
तुंहिंजा लफ़्ज़ रतो-रतु ॻाढ़ा, घड़ीअ घड़ीअ जो घाउ।
सिट सिट मंझि गुलाबु ऐं मोत्यो, हैरत भरियो हुॻाउ,
बरसाती बूंदुनि जी रिम झिम, गरिजणु, गोड़, ठकाउ,
कंवल टिड़नि था, भंवर भिरनि था, सेंवर भरियो तलाउ।
सूरज, चंडु, कतियूं ऐं तारा, ऊंदहि जो बि उहाउ,
सुख शान्तीअ जूं मिठिड़ियूं लोलियूं, इंकिलाब, गोगाउ,
लड्कनि ऐं मुरिकुनि जो संगम, रोसामो, परिचाउ।
दिल दिल जी आ घड़कणि तंहिं में, सुख दुख, भाव अभाव,
तुंहिंजे गीत ॿुधण सां मुंहिंजे लिंव लिंव मंझि लकाउ,
ॻाईंदो रहु, गाईंदो रहु, गुम थिए सुर्ति समाउ।
अञा त रात घणी पेई आ, सुनि जो आहि सिटाउ,
ॻाईंदो रहु भाउ।
