हिकु चङो माण्हू / हरि दिलगीर

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

हरि दिलगीर » पल पल जो परलाउ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मां हिकु चङो माण्हू आहियां,

अहिड़ो को बि कमु कोन कयो अथमि,
जो शर्मसार थियणो पवेमि,
मगर मां अक्सर ई वीचारींदो आहियां,
त जेकॾहिं मुंहिंजे मन में,
को टाईपराईटर रखियलु हुजे,
जो ज़हन जे काग़ज़ ते,
पाणही पाण टाईप कंदो वञे,
मुंहिंजूं अणपूरियूं ख़्वाहिशूं,
मुंहिंजो हर वीचारु,
जो हलन्दे हलन्दे, उथन्दे विहन्दे,
मुंहिंजे अंदर में पैदा थिए थो,
ऐं कोई,
उहो टाईप थियलु मैटर,
कंहिं अख़बार में शाया कराए,
त मां,
जेकर शर्म में ॿुडी वञां,
ऐं पक ई पक,
आपघात करे छॾियां।