भारत की संस्कृति के लिए... भाषा की उन्नति के लिए... साहित्य के प्रसार के लिए
जिनिगी क कहानी / रामप्रकाश शुक्ल "निर्मोही"
Kavita Kosh से
Sharda suman (चर्चा | योगदान) द्वारा परिवर्तित 15:16, 16 नवम्बर 2016 का अवतरण ('{{KKGlobal}} {{KKRachna |रचनाकार=रामप्रकाश शुक्ल "निर्मोही" |अनुवा...' के साथ नया पृष्ठ बनाया)
अँजुरी में भरल जइसे पानी
जिनिगी क एतनै कहानी
जिनिगी क चिट्ठी घूमैं शहरि-शहरिया
बचपन जवानी आ बुढ़ापा के मोहरिया
लगि-लगि पहुँचै ठेकानी
सुख-दुख-हँसी-खुशी शादी-ब्याह-गवना
जिनिगी के मेला में बिकाला ई खेलवना
कीनि-कीनि खरची खटानी
जिनिगी-पतंग के उड़ावै होनहरवा
एक दिन कटि बिखराई कागज-डोरवा
पाँचो तत्त लुटिहैं कमानी
समय क समुंदर प्रान पानी भरल गगरी
कहियो फुटी त बिखराइ जाई सगरी
पनिया से मिलि जाई पानी
कबहुँ घटावल करत कबो जोड़वा
बेटी के बियाहे जइसे बपई के गोड़वा
आइसे थकलि जिनगानी
