भारत की संस्कृति के लिए... भाषा की उन्नति के लिए... साहित्य के प्रसार के लिए
सधवा रात / रूप रूप प्रतिरूप / सुमन सूरो
Kavita Kosh से
Sharda suman (चर्चा | योगदान) द्वारा परिवर्तित 16:51, 30 नवम्बर 2016 का अवतरण ('{{KKGlobal}} {{KKRachna |रचनाकार=सुमन सूरो |अनुवादक= |संग्रह=रूप रू...' के साथ नया पृष्ठ बनाया)
दिन वसन्त के ऐलै सधवा रात छै!
उबडुब-उबडुब चान फूल के गन्ध में
मतबौरोॅ तारा छै निशाँ-तरंग में
मद भरलोॅ आकाश सन्होली मदमाछी के छात छै!
कोढ़ो-कोंढ़ो फूल-फूल लग जाय केॅ
भिखमंगा रं सब लग हाथ बिछाय केॅ
मधु-संचय में लीन रसिया बात छै!
भुललोॅ छै भमरा कमलोॅ के कैद में
रस्सोॅ सें रोगी छै चम्पा-बैद नै
फाटै लेॅ टलमल रस-कोष हठात छै!
गंधराज, केतकी, चमेली, बेला में
एक रसरसी, एक मदन के खेला में
पागल राधा, पागल फूल-जमात छै।
भाँसै छै मन-प्राण सुखी संयोगिन के
पिया-बाँह में कसली कसमस भोगिन के
प्यास मिहाबै में पागल रतिसात छै!
