भारत की संस्कृति के लिए... भाषा की उन्नति के लिए... साहित्य के प्रसार के लिए
साईं महरवान / लीला मामताणी
Kavita Kosh से
Lalit Kumar (चर्चा | योगदान) द्वारा परिवर्तित 15:27, 6 फ़रवरी 2017 का अवतरण ('{{KKGlobal}} {{KKRachna |रचनाकार=लीला मामताणी |अनुवादक= |संग्रह=सौ...' के साथ नया पृष्ठ बनाया)
सुबह जा साईं महिर कर सदाईं
आहे आस जहिड़ी मन में, तूं ई पुॼाईं
1.
हिक त देहीअ खे न ॾुखडो ॾिजांइ को
इहो वसु दासीअ सां, पंहिरों कजाइं को
पंहिंजी हिमथ सां जॻ में हलाईं
आहे आस जहिड़ी मन में, तूं ई पुॼाईं
2.
अथमि आस ॿी अमृत वेले उथारिजि
घड़ी पलक पंहिंजे नाम में विहारिजि
इहो नेम सांईं सदा लाइ निभाहीं
आहे आस जहिड़ी मन में, तूं ई पुॼाईं
3.
टीं आस दाता कुटंब खे सुमत ॾे
नढ़नि छा वॾनि खे सांईं सुठी मति ॾे
महर जो भरे हथु सभिनी ते घुमाईं
आहे आस जहिड़ी मन में, तूं ई पुॼाईं
4.
चौथों चाह चित में रहे ध्यानु तुंहिंजो
सुखनि छा दुखनि में रहे ज्ञान तुंहिंजो
‘निमाणीअ’ जे सॾिड़नि ते मतां देर लाईं
आहे आस जहिड़ी मन में, तूं ई पुॼाईं
