भारत की संस्कृति के लिए... भाषा की उन्नति के लिए... साहित्य के प्रसार के लिए
मारै छै कलेजा में टीस / खुशीलाल मंजर
Kavita Kosh से
Lalit Kumar (चर्चा | योगदान) द्वारा परिवर्तित 17:14, 5 अप्रैल 2017 का अवतरण ('{{KKGlobal}} {{KKRachna |रचनाकार=खुशीलाल मंजर |अनुवादक= |संग्रह=पछ...' के साथ नया पृष्ठ बनाया)
फाटलऽ अंगिया उधारऽ पीठ
की देखै छऽ हमरऽ दीस
हम्में कलपै छी कलपी केॅ जीयै छी
फाटलऽ अ चरा केॅ कांखी में दापै छी
इज्जत बचाय लेॅ की कीनै करलौं
मांगी चांगी कपड़ा लै होकरा सीलौं
वोही सेॅ भेलऽ गरदम गीस
फाटलऽ अंगिया उघारऽ पीठ
सोना र बुतरू रहै छऽ उघारऽ
होकरो पर कै दिनऽ से दाना लेॅ नैहारऽ
कतेॅ कानैं छी कपसै छी धुनै छी माथऽ
के दै दुनियाँ में जे करबऽ लाथऽ
मारै छै हरदम कलेजा में टीस
फाटलऽ अंगिया उघारऽ पीठ
एक तेॅ निम ही आरो दोसरऽ बेवा
हाय की सताय छऽ हुमरा हो दैबा
धरम बचावऽ मरला केॅ नै मारऽ
आपनऽ इज्जत आपनै नै उघारऽ
की दुखिया पर झाड़ै छऽ रीस
फाटलऽ अंगिया उघारऽ पीठ
