भारत की संस्कृति के लिए... भाषा की उन्नति के लिए... साहित्य के प्रसार के लिए
भींजै रे ऐंगना / राजकुमार
Kavita Kosh से
Lalit Kumar (चर्चा | योगदान) द्वारा परिवर्तित 17:48, 5 अप्रैल 2017 का अवतरण ('{{KKGlobal}} {{KKRachna |रचनाकार=राजकुमार |अनुवादक= |संग्रह=टेसू क...' के साथ नया पृष्ठ बनाया)
रही-रही मारै छै हुनी पिचकारी, भींजै रे ऐंगना
भींजै सौंसे अटारी, भींजै रै ऐंगना
घुरी-घुरी घूरै छै अँगिया अनाड़ी, घूरै रे घूरना
घूरै सौंसे बजारी, घूरै रे घूरना
रही-रही चूमै छै मँजरैलोॅ डारी, चूमै रे चूमना
चूमै महुआ रोॅ साड़ी, चूमै रे चूमना
रही-रही टेबै छै टुक-टुक निहारी, टेबै रे टेबना
टेबै नेमुआ रोॅ बाड़ी, टेबै रे टेबना
रही रही फेकै छै रस रोॅ फुहारी, फेकै रे फेकना
फेकै नयना कटारी, फेकै रे फेकना
रही-रही छेड़ै छै बँहिया मोचारी, छेड़ै रे मोहना
‘राज’ रसिया बिहारी, छेड़ै रे मोहना
