भारत की संस्कृति के लिए... भाषा की उन्नति के लिए... साहित्य के प्रसार के लिए
बान्होॅ-बान्होॅ कन्हैया केॅ / राजकुमार
Kavita Kosh से
Lalit Kumar (चर्चा | योगदान) द्वारा परिवर्तित 17:56, 5 अप्रैल 2017 का अवतरण ('{{KKGlobal}} {{KKRachna |रचनाकार=राजकुमार |अनुवादक= |संग्रह=टेसू क...' के साथ नया पृष्ठ बनाया)
बान्होॅ-बान्होॅ, कन्हैया रोॅ गोड़ केॅ
फेनूँ भागल्हौं, मटुकिया ऊ फोड़ केॅ
एक तेॅ नैना कटार
दोसर मुस्की के मार
तेसरोॅ हाँसै छौं, बहियाँ मरोड़ केॅ
बान्होॅ-बान्होॅ, कन्हैया रोॅ गोड़ केॅ
तोरोॅ बेटा छौं चोर
दै छौं आगिन केॅ खोर
मोरपंखी नजरिया, छौं ओढ़ कॅे
बान्होॅ-बान्होॅ, कन्हैया रोॅ गोड़ केॅ
हियरा दै छौं हिलोर
कसक हुवै पोरे-पोर
देखोॅ भागल्हौं, बँसुलिया छोड़ केॅ
बान्होॅ-बान्होॅ, कन्हैया रोॅ गोड़ केॅ
धरी लीला रोॅ डोर
मैया यशोमति विभोर
‘राज’ पुलकित मन, पोंछै छै लोर केॅ
बान्होॅ-बान्होॅ, कन्हैया रोॅ गोड केॅ
