भारत की संस्कृति के लिए... भाषा की उन्नति के लिए... साहित्य के प्रसार के लिए
बुढ़ापा / राज मोहन
Kavita Kosh से
Sharda suman (चर्चा | योगदान) द्वारा परिवर्तित 15:36, 26 मई 2017 का अवतरण ('{{KKGlobal}} {{KKRachna |रचनाकार=राज मोहन |अनुवादक= |संग्रह= }} {{KKCatSurinamiR...' के साथ नया पृष्ठ बनाया)
एक गिलास चाय दुइगो बिस्कुट
और चार रकम की गोली
चिन्ता के पेड़ की ऊँची डारी पे
लटकल है बुढ़ापा
सूखल सूरत के नस-नस पर लिखल
जवानी के बीतल बात
फँसल कन्धा, गाँठी के पीड़ा
होस करवावे है पहले के जागर
बहल पसीना धान के खेत में
जमा करल तागत
पढ़ाई में लड़कन के
झुलावे है धीरे धारे कैसे
ओहे कुरसी
डाम के खिड़की के कैती
दिन भर झाँकिला बाहरे
अपन जिनगी
काल के कुछ बचल लहा
आज न पकइली
केसे उँघाए लगी
कुछ एइसन न करली
के तनी थकाई लगत
कोसिस में लगल वा
बचल दिन
खरा करे खात
गिरल दिन अपन दुनो गोर पे
बकायनया हींचत
हाथ पे
ना दारू ना तमाखू
ना जादा ना मीइा
और नमक एकदम कमती
अब जिनगी में सवाद ना रहिगे
एक गिलास चाय दुइगो बिस्कुट
दस रकम दवाई के बीचे
अँटकल है बुढ़ापा।
