कटार मारै छै / कस्तूरी झा 'कोकिल'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

कस्तूरी झा 'कोकिल' » तोरा बिना »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तोरा बिना दीवाली बेकार लागै छै।
रही-रही दिलपर कटार मारै छै।
पिछली दीवाली तेॅ
त्योहार लागै छेलै।
सगरो सजावट तेॅ
सींगार लागै छेलै।
तोरा बिना अबरी अंगार लागै छै।
तोरा बिना दीवाली बेकार लागै छै।
की-की अयतै तोहीं
लिखवाय छेलहौ।
दौड़ी-दौड़ी सबकुछ
मंगवाय छेलहौ।
अबकी लोरैलॅ ललकार लागै छै।
तोरा बिना दीवाली बेकार लागै छै।
रही-रही दिलपर कटार मारै छै।
घरे-घोॅर बिजली केॅ
झालर झूलै छै।
आलूबम, छूरछुरिया।
खूब्बे छूटै छै।
मतुर हमरा ईसब खूँखार लागै छै।
तोरा बिना दीवाली बेकार लागै छै।
रही-रही दिलपर कटार मारै छै।
चहल-पहल देखै छीयै।
किस्मत केॅ सीयेॅ छीयै।
मिलबॅ असंभव छै।
मनें मोॅन बूझे छीयै।
मरनाँ सेॅ अच्छा इन्तजार लागै छै।
तोरा बिना दीवाली बेकार लागै छै।
रही-रही दिलपर कटार मारै छै।

10/11/15 सुबह छह बजे