भारत की संस्कृति के लिए... भाषा की उन्नति के लिए... साहित्य के प्रसार के लिए
पाकलोॅ फोॅल / नवीन ठाकुर ‘संधि’
Kavita Kosh से
Sharda suman (चर्चा | योगदान) द्वारा परिवर्तित 18:30, 22 जून 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
जेठ अखार रोॅ पड़तै पानी, खजूर जामुन पकै छै भरखर,
भोर होतै ओड़िया डलिया लैकेॅ, बुतरू लगाय छै दरबर।
आम जामुन खजूर बीछी-बीछी केॅ,
वैं खाय छै चूसी-चूसी केॅ।
तीनोॅ गिरै छै मतुर समय होय छै फरोॅक,
रात-दिन गिरै छै आम पावी केॅ हवा झरोक।
तीनोॅ होय छै गुट्ठीदार खटमीट्ठोॅ रसगर,
खजूर जामुन गिराय छै, दिनभर आदमी कौआ मैंना,
आम गिराय छै दोली-दोली हरदम जहिनां।
कत्तेॅ होय छै है सब्भै लेली उलफा धोन,
बच्चा-बुतरू की बड़कौ रोॅ दौड़ै छै मोॅन।
आबेॅ तेॅ बगीचा बेची केॅ "संधि" होय लागलै धरफर।
