भारत की संस्कृति के लिए... भाषा की उन्नति के लिए... साहित्य के प्रसार के लिए
खटमल राजा / मथुरा नाथ सिंह 'रानीपुरी'
Kavita Kosh से
Lalit Kumar (चर्चा | योगदान) द्वारा परिवर्तित 13:43, 10 जुलाई 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
हमरोॅ कर उड़ीस रखवाली
खाबी दूध-दही ओ छाली
हड्डी-पसली छोड़ी-छोड़ी
अपना देहें लाद लाली॥
कन्नो घूसै कन्नो चूसै
पब्बेॅ-तब्बेॅ खूभे ठूस
जेकरेॅ-तेकरोॅ घोॅर उजाड़ी
अपनै काने पहिरै बाली॥
खटिया में दै बच्चा-अंडा
पेटी की लागै छै हंडा
मारै टीस चुभावी सूंग
खटिया में डेरा दै डाली॥
लगते रौद जाय छै पसरी
चढ़ै दिवारी ससरी-ससरी
नन्हका-नन्हको सनमन-सनमन
परिवारोँ केँ सभ्भ जाली॥
मोॅन करै खटिया दौं जारी
लाठी दै होकरा दौ मारी
पछतावै छी ई राजा केॅ
अपनोॅ घोॅर में पाली-पाली॥
