भारत की संस्कृति के लिए... भाषा की उन्नति के लिए... साहित्य के प्रसार के लिए
की जमाना रहै देखते-देखते / विजेता मुद्गलपुरी
Kavita Kosh से
Lalit Kumar (चर्चा | योगदान) द्वारा परिवर्तित 11:48, 11 जुलाई 2017 का अवतरण ('{{KKGlobal}} {{KKRachna |रचनाकार=विजेता मुद्गलपुरी |अनुवादक= |संग...' के साथ नया पृष्ठ बनाया)
की जमाना रहै देखते-देखते की से की भे गेलै
अब त भगवान से कीमती नौकरी-चाकरी भे गेलै
लोग करतै त की अब सड़क पर उतरना विकट भेल छै
भेंड़िया से भयानक मनुजखोर अब आदमी भे गेलै
लोभ में पैर के लक्ष्मी के सवारी भेले हंस जब
हंस उल्लू से बद्तर भेलै स्याह सन रोशनी भे गेलै
साथ हरदम रहै सुतले-जागते देह के छाँह सन
जब बुड़ा दिन के झौका लगल छाँह भी अजनबी भे गेलै
एक लड़की हिडिम्बा के जैसन रहै रंग से रूप से
दौड़ फैसन के ऐसन न ऐलै कि ऊ उर्वशी भे गेलै
