भारत की संस्कृति के लिए... भाषा की उन्नति के लिए... साहित्य के प्रसार के लिए
अलछिया / हम्मर लेहू तोहर देह / भावना
Kavita Kosh से
Lalit Kumar (चर्चा | योगदान) द्वारा परिवर्तित 15:57, 18 मई 2018 का अवतरण ('{{KKGlobal}} {{KKRachna |रचनाकार=भावना |अनुवादक= |संग्रह=हम्मर लेह...' के साथ नया पृष्ठ बनाया)
जब ओकरा जनम लेइते
मर गेलक माई
आऊर तनिके दिन बाद-
बापो मर गेल
त लछिया!
अलछिया हो गेल।
अनाथ अलछिया
चच्चा-चाची के रहमो-करम पर
जिअइत
बढ़ रहल हए दिने-दिन।
अब टोला-समाज के
ओक्कर बिआह के चिंता सतावे लागल हए
मुदा ई दहेज-लोभी समाज में
कोन थामत
ई अनाथ के हाथ?
अलछिया
भीतरे-भीतरे सुबकइअऽ
मुदा मुंह न खोलइअऽ
कि ई समाज के हाथ
कहियो अलछिया के
लाछिया बनावे खातिर उठत?
कि अलछिया सब्भे दिन
अलऽछे रह जाएत?
ओक्कर दिन
फेनू कहियो न बहुरत?
