पीठी के गीत / 4 / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

सुन सुन रे जोधाणा रा तेली, थारी घाणी केसर और किस्तूरी।
मांय घाली जायफल और जावत्री, ओ तेल बनड़ा रे अंग चढ़सी।
दमड़ा वांका दादासा भर देसी, लेखो वांकी दादीसा भर लेसीं
सुण-सुण ओ जयपुरा रा तेली, थारी घाणी केसर ने किस्तुरी।
ओ मांय घाली मरबो ने मखतुली।
मांय घाली जायफल और जावत्री, ओ तेल बनड़ा रे अंग चढ़सी।
दमड़ा वांका बाबाजी भर देसी, लेखो वांकी मायां कर लेसी।
दमड़ा वांका बीराजी भर देसी, लेखो वांकी भाभियां कर लेसी।