भारत की संस्कृति के लिए... भाषा की उन्नति के लिए... साहित्य के प्रसार के लिए
बरैं अंधरू पड़उनू चबांय माई जी / जगदीश पीयूष
Kavita Kosh से
Sharda suman (चर्चा | योगदान) द्वारा परिवर्तित 10:45, 28 फ़रवरी 2019 का अवतरण ('{{KKGlobal}} {{KKRachna |रचनाकार=जगदीश पीयूष |अनुवादक= |संग्रह= }} {{KKCat...' के साथ नया पृष्ठ बनाया)
बरैं अंधरू पड़उनू चबांय माई जी।
पइसा आवा सरकारी।
पुला बनै कै तयारी॥
होय हेरा फेरी जाने ना खोदाय माई जी।
बरै अंधरू पड़उनू चबांय माई जी।
आई एमेले कै निधि।
खाइ लेइ कौन बिधि॥
गवा अपनौ निमरुआ मोटाय माई जी।
बरैं अंधरू पड़उनू चबांय माई जी।
होय अन्न कै खरीद।
घाल मेल कै रसीद॥
मिलि बांटि बांटि खांय डेकरांय माई जी।
बरैं अंधरू पड़उनू चबांय माई जी।
आवे जब जब धन।
बनि जाय करधन॥
गोरी पतली कमरिया पिराय माई जी।
बरैं अंधरू पड़उनू चबांय माई जी।
