भारत की संस्कृति के लिए... भाषा की उन्नति के लिए... साहित्य के प्रसार के लिए
नाहीं ऊसर नाहीं मेड़ / जगदीश पीयूष
Kavita Kosh से
Sharda suman (चर्चा | योगदान) द्वारा परिवर्तित 10:54, 28 फ़रवरी 2019 का अवतरण ('{{KKGlobal}} {{KKRachna |रचनाकार=जगदीश पीयूष |अनुवादक= |संग्रह= }} {{KKCat...' के साथ नया पृष्ठ बनाया)
नाहीं ऊसर नाहीं मेड़।
नाहीं छेगड़ी नाहीं भेड़॥
जंगल नाहीं ना देखात दूर दूर सजना।
चीन्हि लेवै माई बाप का जरूर सजना॥
लोटा डोरी नहन इनारा।
दुगला उलचै बहै पनारा॥
नाहीं रहिया पुरान उड़ैं धूर सजना।
चीन्हि लेवै माई बाप का जरूर सजना॥
नाहीं खपरैले कै बखरी।
मिलैं गउना वाले जैसे मगरूर सजना।
चीन्हि लेवै माई बाप का जरूर सजना॥
नैहर बीस बरसिया बाद।
केसे लेई आशीर्वाद॥
हियां बदला बाटे सारे दस्तूर सजना।
चीन्हि लेवै माई बाप का जरूर सजना॥
