भारत की संस्कृति के लिए... भाषा की उन्नति के लिए... साहित्य के प्रसार के लिए
हियाँ न भुइयाँ हैं नींबी तर / भारतेन्दु मिश्र
Kavita Kosh से
Sharda suman (चर्चा | योगदान) द्वारा परिवर्तित 11:52, 28 फ़रवरी 2019 का अवतरण ('{{KKGlobal}} {{KKRachna |रचनाकार=भारतेन्दु मिश्र |अनुवादक= |संग्रह...' के साथ नया पृष्ठ बनाया)
हियाँ न भुइयाँ हैं नींबी तर
ना गौरी, न गनेस
सजनवा! चल अपने घर देस
धीरज के ख्ुालि रहें किंवाड़े
हियाँ सुपास न बइठे-ठाढ़े
पइसा खातिर जरै जिन्दगी
रहु-रहु, बस-बस करै जिन्दगी
भूखे भेड़हा घूमि रहे हैं
धरे संत का भेस।
जा दिन ते मैं घर ते आयी
दीख न सबिता अउर जोन्हायी
पुरिखा-पुरखिन दफन हुइ गये
ख्यात-पात सब सपन हुइ गये
छूटि जाय ना कहूँ गाव के
बरगद क्यार लगेस।
मोती-कूकुर, मिठुआ-सुग्गा
दुल्ला-दीदी, काका-जग्गा
रामकली रामायन बाँचै
सबकी यादि आँखि मा नाचै
सालु बीतिगा लउटि चलौ घर
अब ना करौ कलेस।
