भारत की संस्कृति के लिए... भाषा की उन्नति के लिए... साहित्य के प्रसार के लिए
अंग-अंग पर अनंग के राज / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 14:41, 9 जून 2019 का अवतरण ('{KKGlobal}} {{KKRachna |रचनाकार=जयराम दरवेशपुरी |अनुवादक= |संग्रह...' के साथ नया पृष्ठ बनाया)
{KKGlobal}}
हउले-हउले हावा गुनगुना हइ फाग राग रे
सुख के सौगात लेले अइलइ रितुराज रे
पंचम सुर में तितली गावे हरियर चुह-चुह बाग में
मदमातल भौरन बइठल हे फूलल फूल पराग में
उतरल बगिया में बहुरंगी इंद्रधनुष साज रे
सूआपंखी चुनरी पेन्हली धरती बनल बिहउती
आम महुइया लथरल-लथरल अनमन जस परसउती
भोर किरिनियाँ हुलसल हुलकत अँखिया भरल बिहाग रे
लदबुद रहरी खंधा नाचे तीसी आउ मसुरिया
बूंट केरइया गदरइलइ गन लटकल लाम छिमरिया
रसे-रसे रस के फुहार बरस रहल हे आज रे
पीऊ-पीऊ पपिहा के रसगर नीक लगऽ हे बोलिया
परदेसी साजन के जइसे लगइ नीक ठिठोलिया
बेसुध तन के अंग-अंग पर जस अनंग के राज रे
