भारत की संस्कृति के लिए... भाषा की उन्नति के लिए... साहित्य के प्रसार के लिए
धरती पर उतरलइ / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 20:31, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
साच बेयाना लेले बदरा धरती पर उतरलइ
बरसल अइसन मेघ के सगरे
अहरा पोखरा भरलइ
बरस रहल हे एकलगउरी लपसल हइ पुरबइया
मुसलाधार सड़क पर पानी करिअइ कउन उपइया
पानी अइसन गोत देलक कि
फोहवा मोरी सड़लइ
टोला-टाटी गल्ली नल्ली सगरे उड़ल कचाहिन
अस्त-व्यस्त जन-जीवन सगर घर-अँगना में आहिन
कत्ते दिना से सुरूज किरिनियाँ
ओलती पर न उतरलइ
नदिया सभे तूफान बनल खेत बनल हे पोखर
बिचड़ा सब खेते में सड़लइ छूटल किसान के चोकर
गइया गोरू अकबक-अकबक
सूरज कने भुलइलइ
गरबइया के उजड़ल खोंथा
पानी में बह गेलइ
फूस झोपड़िया बांस मड़इया
पानी से भर गेलइ
बहत काल परलय के हावा
बादर सेना चढ़लइ।
