भारत की संस्कृति के लिए... भाषा की उन्नति के लिए... साहित्य के प्रसार के लिए
हमर पसेना के रांगल / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 20:39, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
हर दिन के उजियाला से
हर रात मचलइत हो भयवा
हर सुबह के ललकी जोती से
हर साँझ बदलतइ हो भयवा
हमर पसेना के राँगल
धरती के चप्पा-चप्पा हइ
ओकरे पर सब धैल फुटानी
चल रहलइ लारा-लप्पा
भोथरइतइ गन धान जुलुम के
अब न´ चलतइ हो भयवा
धरम धुरंधर के नाटक सब
देखलक खूब देखइला हे
तरहत्थी के रेखा छू-छू
सब के खूब भरमइला हे
आग धधकइलो जरल पेट के
सभे उगलइतइ हो भयवा
अमर शहीदन के लेहू से
धरती देखऽ पटल हकइ
जालिम से जूझइ ले सगरो
ताल ठोक के डटल हकइ
लय सुर मिलल मिलावत ई सब
आग धधकतइ हो भयवा
