भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली लङ्काकाण्ड पद 16 से 20 तक/पृष्ठ 3
Kavita Kosh से
(18)
आली, अब राम-लषन कित ह्वै हैं |
चित्रकूट तज्यौ तबतें न लही सुधि, बधू-समेत कुसल सुत द्वै हैं ||
बारि बयारि, बिषम हिम-आतप सहि बिनु बसन भूमितल स्वै हैं |
सन्द-मूल, फल-फूल असन बन, भोजन समय मिलत कैसे वैहैं ||
जिन्हहि बिलकि सोचिहैं लता-द्रुम, खग-मृग-मुनि लोचन जल च्वैहैं |
तुलसिदास तिन्हकी जननि हौं, मो-सी निठुर-चित औरो कहुँ ह्वैहैं ||
