भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली लङ्काकाण्ड पद 6 से 10 तक/पृष्ठ 3
Kavita Kosh से
(8)
रागमारु
जौ हौं अब अनुसासन पावौं |
तौ चन्द्रमहि निचोरि चैल-ज्यों, आनि सुधा सिर नावौं ||
कै पाताल दलौं ब्यालावलि अमृत-कुण्ड महि लावौं |
भेदि भुवन, करि भानु बाहिरो तुरत राहु दै तावौं ||
बिबुध-बैद बरबस आनौं धरि, तौ प्रभु-अनुग कहावौं |
पटकौं मीच नीच मूषक-ज्यौं, सबहिको पापु बहावौं ||
तुम्हरिहि कृपा, प्रताप तिहारेहि नेकु बिलम्ब न लावौं |
दीजै सोइ आयसु तुलसी-प्रभु, जेहि तुम्हरे मन भावौं ||
